يا حصراااااه على وقت كنت فيه نعرف غير اللعب وماكلة والرقاد

كل ما نحط راسي على المخدة يديني النوم

بشوية بشوية الواحد بدا يكبر يشوف ويتعلم

بدا يعرف الدينا على واش مستركبة وبدا يعرف بلي هاذو الناس انواع واشكال

وبدا تعب دنيا وهمومها وبروبلاماتها والمستقبلها المجهول

والنوم هاذا gاع ولينا منعرفوهش هاذي 12 هاذي 2 هاذي 3

لقطة تروح ولقطة تجي سوجي يدي وسوجي يجيب

وبديت نتفكر في ذوك ليامات لي كنت نسقسي فيهم يما علاش هاذي كفاش هاذي

وهي تقول وتتبسم كي تكبر تعرفهم وهي ماذابيها منعرفهمش خير

وهاني كبرت وبديت نفهم وش معناه كي تكبر تعرف

وليت كل ما نشوف روحي ف المرايا

يا حصراه شعري المزيان لكحل بدا يشيب

هاهي شيبة ناضة وقيل عندي 10 شيبات وانا في عمر غير 21 اني

ووجهي لمنور لحمر لي كانت يما لحنينة تخبيني من الناس على جالو بدا يشيان

والمورال الصافي الرايح بدا يتعكر والضحكة الحلوة بدات تغيب

هاذا هو لبروبلام تاعي



ومالgري تو نقولو الحمد لله

هذه هيي الدنيا خلقنا  لكي  نمتحن فلا بدى ان تصبر فالصبر مفتاح  الفرج    ولا تياس وواجهها  فكان لله بوك اخي  مششكور على الموضوع الاكثر من ررائع 

.
.