.



 كيكة3طبقات مقادير سهلة وطريقة أسهل

 



 

البارح صاوبت حلوى عجباتني قلت علاش مانشاركومش فيها وتانتوما تاخدو مقاديرها

 


الطبقة 1 

2 بيضات 
1كاس صغير زيت معامرش 
1 كاس صغير سنيدة
1 كاس صغير ماء سخون
شوية عصير الحامض
2 خمارات
الدقيق حسب الخليط

 
الطبقة2


لكريم پاتيسيييغ (انا استعملت ديال البكية و الطريقة مكتوبة على ضهر البكية )

الطبقة3 

نصف لتر عصير البرتقال
3 فلان فاني 
2 معالق سكر (على حسب حلاوة البرتقال) 

نخلطو البيض و السكر و الزيت والماء و الحامض فالخلاط مزيان من بعد نكبوه ف زلافة نديرو دقيق مغربل تاولي الخليط بهال ديال الكيك من بعد الخمارات تم نكبوه ف لاطا ديال الكيك مدهونة بالزبدة و مرشوشة بالدقيق تالطيب من بعد نخرجوها و نقطعوها بقالب كبير

و من بعد ناخدو كاسرولة نديرو فيها نص لتر حليب و 2معالق سكر و 2 معالق بودرة ديال لكريم پاتيسيييغ ونديروهوم ف نار مهيلة تاتعقاد و نطفيو عليها و نكبو فوق الكيك لي فالقالب ندخلوها للتلاجة تشد فراسها من بعد ناخدوكاسرولة نكبو فيها 2/1 لتر عصير برتقال و السكر و الفلان نخلوها تغلى شوية من بعد نكبو فوق لكريم پاتيسيييغ الا بغينا نقدرو نديرو شي فاكهة بيناتهم من بعد ندخلو للتلاجة تبرد مزيان من بعد نحايدو القالب ونزوقو على حسب الدوق بالصحة و الراحة

 



.

.شكرآ جزيلا على الموضوع الرائع و المميز

واصل تالقك معنا فى المنتدى

بارك الله فيك أخى ...

ننتظر منك الكثير من خلال إبداعاتك المميزة

لك منـــــــ إجمل تحية ــــــــــى
.