راني شوية لاقيباش راني مديكابي .واش راكم ça va
أنا راني شوية لاقيباش راني مديكابي راني نكتب في الموضوع بالسيف
لاقيباش الرعشة راهي دايرتلي
نبداو
اليوم مع الصباح " ويكاند هذي باينة "
زعمة نضت على ستقويت وغاع كيمة موالف
جيت خارج تلاقيت بواحد صاحبي قاعدين أندورو
11:00 دخلت لدار فطرت
أية صبت بابا ماهوش مليح قتلو واشبيك قالي الطونوبيل ماهيش مغسولة
وراني حاير و خاوتك الصغار مكاش لي بغة يغسلها
قتلو هذا مكان
آت نغسلها شاهية نضرب تورنة
قالي لالا ... ماتضربش تورنة أية أنا غاضتني
قتلو صحيت أت نغسلها
كي غسلتها ماسبتوش في الدار
هذيك هي نضرب ضربتي ية نوضت و جيت رايح ندور
تلاقيت بواحد صاحبي تاع الصغر نبغيه لتالي ركب وهبطنة أندورو
راكم تعرفو الواحد صغير يبغي يجري كي يكون مع صحابو
زعمة رحت لوحد الطريق ماتخدمش و فيهة سبالة
قلت هذيك هي نعطيهة بوحد لافيتاس ما سراتش و مبعد نضربلها تشليلة في السبالة
ديماريت عافس
كي قريب لحقت لوحد الدورة " مفترق طرق "
خرج علية كاميو عافس كثر مني و مكبر الدورة جاي لية
أطفرت : شانهدر مع الشيباني
أية أنا ضربت للفران و نحس بالبرودة في كراعي
أنا قلت : ثقبت الطوموبيل من التحت.
أية أنا خزرت لكراعي و نصيبو خارج من الكوفيرتة
الحمد لله ياربي لي سالامات
علابالك شاهية فوت نص نهار في منام
وماسراتش ههههههههههههههههه
راني أنزعق غاع مكاش منها
شكرا على حسن اصغائكم